سوال

۱ : لڑکوں کے لیے کچھ اسلامی نام تجویز کردیں۔

۲ : کیا ’محمد‘ نام رکھ سکتے ہیں؟

۳ : اگر رکھ سکتے ہیں تو یہ بتائیں کہ ’محمد‘ سن کر یا بول کر جو درود بھیجنے کا حکم ہے، اس کی کیا تفصیل ہے؟

جواب

۱ : لڑکے کا نام رکھنے کے لیے صحابہ کرام رضی اللہ عنہم کے چند  نام:

سمیر( بمعنی :  رات کے وقت قصہ کہانی کہنے والا، باتیں کرنے والا، زمانۂ طویل)

صامت ( بمعنی : خاموش)

صہیب ( بمعنی : سرخی وسفیدی مائل بہ زرد هونا)

ضحاک (بمعنی :  بہت ہنسنے والا، بہت مذاقی، مزاحیہ، بالکل واضح راستہ)

طفیل ( بمعنی : واسطہ، ذریعہ، سبب اور وسیلہ کے معنی میں بھی مستعمل ہے)

عباس (حضورﷺ کے چچا کا نام، کئی صحابہ کا نام، وہ شیرجسے دیکھ کر دوسرے شیر بھاگ جاتے ہوں)

عقیل ( بمعنی : عقل مند، زیرک، دانا، ہوشیار)

مزید نام ذیل میں ملاحظہ ہوں :

 أرقم . اَسیر. إِیاس. تمِیم . ثابت . جُبَیر . حاطِب . حُرَیث . خَلّاد . خُنَیس . ذَکوان . رافع . زاهِر . سائِب .سِماک . سُفیان . سالِم . سُوِید . صَفوان . عِبَاد . قَیس . مالک . مُعاذ . نَوفَل . واقد . وَهْب . هِلال . أخرم . أزهر . أصرَم . اُصیرِم .اُسَید . أسعَد . أفلَح . بُدَیل . بُرَیدَه. ثَوبان . جَرِیر . حُذافه . حازِم . حِزام . حابس .حِبّان . حِرَاش . حاجِب . حُرَیث . حَرِیش .  حَنبَل . خُزَیم . خِزام . خُرَیم . دارِم . دُرَید . دِحْیَه. رُکانه . رَزِین .  رَباح . رافع . رُقَیم  . سُلِیک . سُراقه . سلام . سارِیَه. سِنان . شُرَیح . شُرَحْبِیْل . شَبیب .صُبَیح . ضِماد . ضِمام. ضُمَیره . عازب .عاقب . عُروه. طُرَیف . ظُهَیر . عُبَیده . عمّار . عِرباض . عِکرِمه . عِکراش . عَلقَمه . عُوَیمِر . فراس . فَیرُوز . قُدامه . لَبِید .مَرثَد . مُحصِن . مازِن . مُهَاجِر. نافع . نَوفَل. نواس . واثَِله . وائِل . وَرَقَه . وَلِید . هِشام . هَیْثَم . یَسار . یَمان . 

۲ : لڑکے کا نام ’محمد‘ رکھنا جائز بلکہ مستحسن اور بابرکت ہے۔

۳ : حضور صلی اللہ علیہ وسلم کا مجلس میں نام آنے پر ایک مرتبہ درود پڑھنے کا جو حکم ہے، اس سےمراد صرف لفظ ’محمد‘ نہیں بلکہ لفظ محمد یا کوئی اور لفظ (مثلاً خاتم النبیین) آنے پر جب اس سے حضرت محمد صلی اللہ علیہ وسلم مراد ہوں، تو اس وقت درود پڑھنے کا حکم متوجہ ہوگا، لہذا کسی بچے کا نام ’محمد‘ رکھنے کی صورت میں جب اس کا نام سنا جائے یا پکارا جائے تو درود پڑھنے کا حکم نہیں ہے۔

فتاوی شامی میں ہے :

"وكذا لا يصلي أحد على أحد إلا على النبي - صلى الله عليه وسلم."

(کتاب الحظر والاباحۃ، ۶ ؍ ۳۹۶، ط : سعید)

فقط واللہ اعلم