سوال

ظہر کی چار رکعت سنتوں میں  کیا سب رکعتوں میں سورۃ ملانی چاہیے ؟

جواب

ظہر  کی چار رکعات سنتِ مؤکدہ کی چاروں رکعات میں سورہ فاتحہ کے بعد کوئی دوسری سورت پڑھنا یا تین چھوٹی یا ایک بڑی آیت پڑھنا واجب ہے، اسی طرح جمعہ کی نماز سے پہلے کی چار رکعات سنت مؤکدہ اور جمعہ کی نماز کے بعد کی چار رکعات سنت مؤکدہ میں بھی قرأت کا یہی حکم ہے۔

فتاوی شامی میں ہے:

"(وضم) أقصر (سورة) كالكوثر أو ما قام مقامها، هو ثلاث آيات قصار، نحو {ثم نظر} [المدثر: 21] {ثم عبس وبسر} [المدثر: 22] {ثم أدبر واستكبر} [المدثر: 23] وكذا لو كانت الآية أو الآيتان تعدل ثلاثا قصارا ذكره الحلبي (في الأوليين من الفرض) وهل يكره في الأخريين؟ المختار لا(و) في (جميع) ركعات (النفل) لأن كل شفع منه صلاة(و) كل (الوتر) احتياطًا".

(كتاب الصلوة،1 / 458،ط:سعيد)

فقط واللہ اعلم