سوال

کیا میاں بیوی ایک دوسرے کا  جھوٹا دودھ نہیں پی سکتے؟ کیا ایک دوسرے کا جھوٹا دودھ  پینے سے نکاح پر کوئی اثر پڑتا ہے؟

جواب

میاں بیوی ایک دوسرے کا بچا ہوا  دودھ ، پانی  وغیرہ پی سکتے ہیں، ایک دوسرے کا بچا ہوا کھانا بھی کھا سکتے ہیں، اس سے نکاح پر کوئی اثر نہیں پڑے گا، رسول اللہ صلی اللہ علیہ وسلم ام المؤمنین حضرت عائشہ صدیقہ رضی اللہ عنہا کا بچا ہوا پانی وغیرہ اسی مقام پر لب مبارک لگاکر پی لیا کرتے تھے، جہاں سے امی جان حضرت عائشہ رضی اللہ عنہا نے پیا ہوتا تھا۔ فقط واللہ اعلم