سوال

اگر شادی شدہ بیٹی کا انتقال ہوجائے اور اس کی کوئی اولاد نہ ہو، تو کیا داماد کا سسر ساس سے رشتہ برقرار رہتا ہے؟ اور اگر گھر داماد ہو تو کیا پھر بھی وہ ساس سسر کے گھر میں ہمیشہ رہ سکتا ہے؟

جواب

صورتِ مسئولہ میں داماد بیٹی کی وفات کے بعد بھی ساس کا محرم رہے گا، البتہ  گھر کے دیگر افراد یعنی مرحومہ بیوی کی بہنوں کے لیے غیر محرم ہوگا، پس ساس سسر کی صواب دید پر ہے کہ وہ اسے اپنے گھر میں رکھنا چاہیں تو رکھ سکتے ہیں، اور نہ رکھنا چاہیں تو داماد کو ان پر جبر کا کوئی حق نہ ہوگا۔

نیز اگر گھر میں دیگر بیٹیاں بھی ہوں تو اس صورت میں مذکورہ داماد کو نہ رکھنا بہتر ہوگا، الا یہ کہ اس کا نکاح دوسری بیٹی سے کردیا جائے۔ فقط واللہ اعلم