سوال

کیا میں اپنی گھر کے  پرانے کنویں میں کہ  جس  میں پانی بھی موجود  ہو ،گٹرلائن ڈال سکتا ہوں؟

جواب

صورتِ  مسئولہ میں اگر کنویں کی حاجت باقی نہیں  ہے، اور  اس میں پانی کی موجوگی کے باوجود  اب اس پانی کے استعمال کی نوبت نہیں آئے  گی اس صورت میں وہاں گٹر لائن ڈالنے میں  حرج نہیں۔اور اگر کنواں زیرِ استعمال ہو اور اس کاپانی ضروریات میں استعمال کیاجارہاہے، اس صورت میں وہاں گٹرلائن ڈالنے سے اجتناب کیا جائے، اگر اس کنویں میں گٹر لائن ڈال دی اور سیوریج کا پانی اس میں آگیا تو کنویں کا پانی ناپاک ہوجائے گا، اس سے پاکی حاصل کرنا ، پانی پینا، برتن دھونا یا کھانے کی اشیاء میں  یہ پانی شامل کرنا جائز نہیں ہوگا۔ فقط واللہ اعلم