سوال

 لڑکا  ۔۔۔ جو مانسہرہ سے کراچی بس چلاتا ہے، اس نے لڑکی  ۔۔۔ سے کورٹ میں نکاح کیا،  جس کا حق مہر دو لاکھ روپے مقرر کیا گیا،  لڑکی کے گھر والوں کی دھمکیوں پر لڑکے نے نکاح کی تقریب منعقد کی،  جس میں دوبارہ نکاح کر کے حق مہر چھ لاکھ روپے مقرر کیا گیا، شرعی اعتبار سے لڑکا کون سا اور کتنا حق مہر ادا  کرے گا؟

جواب

صورتِ  مسئولہ میں اگر لڑکے  نے سسرال والوں کے کہنے کی وجہ سے مہر میں اضافہ کیا ہے تو اس صورت میں  چھ لاکھ مہر ادا کرنا لازم ہو گا ،گویا کہ اس نے مہر میں اضافہ کیا ہے ۔

الدر المختار مع رد المحتار میں ہے :

"وفي الكافي: جدد النكاح بزيادة ألف لزمه ألفان على الظاهر۔۔۔(قوله: وفي الكافي إلخ) حاصل عبارة الكافي: تزوجها في السر بألف، ثم في العلانية بألفين، ظاهر المنصوص في الأصل أنه يلزم الألفان ويكون زيادةً في المهر. وعند أبي يوسف: المهر هو الأول؛ لأن العقد الثاني لغو. فيلغو ما فيه. وعند الإمام: أن الثاني وإن لغا لايلغو ما فيه من الزيادة".

(کتاب النکاح ،باب المہر،112/3،سعید)

فقط واللہ اعلم