سوال

 کوئی عورت اگر یہ کہے کہ "خدا کی مصیبت یہ ہے کہ اس نے   مجھے عورت پیدا کیا" تو کیا ایسی بات غصے میں کہنے سے کہنے والا شخص کافر ہوجاتا ہے یا نہیں ؟ بعد میں اگر وہ اپنی اس بات کو غلط تسلیم کرلے۔

جواب

صورتِ مسئولہ میں  مذکورہ جملہ کہنے کی وجہ  سے خوب توبہ و استغفارکی  جائے،  اگر مذکورہ خاتون شادی شدہ ہیں تو احتیاطا  تجدید نکاح بھی کر لیا جائے ۔

فتاوی ہندیہ میں ہے :

"رجل قال يا رب أين ستم مبسند قال بعضهم: يكفر والأصح أنه لا يكفر."

(کتاب السیر، باب التاسع ، مطلب موجبات الکفر انواع منھا، 259/2، المطبعة الكبرى الأميرية ببولاق مصر)

فتاوی شامی میں ہے :

"وما فيه خلاف يؤمر بالاستغفار والتوبة وتجديد النكاح وظاهره أنه أمر احتياط."

(کتاب الجھاد ،باب المرتد،230/4،سعید)

فقط واللہ اعلم