کسی کام کے حصول کے لئے روزہ رکھنے کی منّت ماننا کیسا ہے؟
صورتِ مسئولہ میں کسی کام کے ہونے کے لئے روزہ رکھنے کی منّت درست ہے، اور اس سے نذر منعقد ہوجاتی ہے، کیوں کہ یہ عبادتِ مقصودہ ہے، اور عبادتِ مقصودہ کی منّت ماننے سے نذر منعقد ہوجاتی ہے، لہذا کام ہونے پر منّت مانا ہوا روزہ رکھنا ضروری ہے۔
فتاوی شامی میں ہے:
"(ومن نذر نذراً مطلقاً أو معلقاً بشرط وكان من جنسه واجب) أي فرض كما سيصرح به تبعاً للبحر والدرر (وهو عبادة مقصودة) خرج الوضوء وتكفين الميت (ووجد الشرط) المعلق به (لزم الناذر)؛ لحديث: «من نذر وسمى فعليه الوفاء بما سمى» (كصوم ... الخ".
(کتاب الایمان، مطلب فی احکام النذر، ج:3، ص:735، ط:ایج ایم سعید)
فقط واللہ اعلم
فتوی نمبر : 144406100397
دارالافتاء : جامعہ علوم اسلامیہ علامہ محمد یوسف بنوری ٹاؤن