سوال

کچھ عرصہ پہلے تین لڑکے راستے میں جارہے تھے، انس، عبداللہ اور عباد ،عباد نے درخت کے پتھروں کے ساتھ انس کو تنگ کردیا تو انس نے اس سے کھینچ لیے  ، اس حال میں کہ انس کے ہاتھ میں پہلے بھی ایک دو پتھرتھے ،انس نے عباد کو تنگ کرنا شروع کردیا كہ ان پتھروں  کو دےدو،  تو اس پرعباد نے کہااگر تو اس کو نہیں پھینکے گا تو تجھے کلما طلاق ہے تو انس نے کہا صحیح ہے ،لیکن اس کا ارادہ  یہ تھا کہ عباد کو تنگ کرنے کے بعد پھینکوں گا، اتنے میں عبداللہ نے انس سے وہ پتھر کھینچ کر پھینک دیے تو کیا یہ طلاق واقع ہوگئی ؟اور اس بات  کامجھےمکمل یقین ہے ،کہ صرف کلما کے الفاظ استعمال کیے تھے، لیکن اب میرے ذہن میں یہ آتا ہے کہ شاید اس نے اس کے ساتھ کوئی اور الفاظ بھی استعمال کیے ہو ں کیوں کہ اس مسئلے کو  کافی عرصہ گزرگیا ۔

جواب

صورتِ مسئولہ میں جب عباد نے انس سے کہااگر تو اس(پتھر)کونہیں پھینکے گا تو تجھے کلما طلاق ہے،اور انس نے کہا صحیح ہےتو اس سے تعلیق منعقد نہیں ہوئی کیوں کہ صرف "کلما طلاق"کہنے سے یہ تعلیق منعقد نہیں ہوئی۔

باقی یقین کے مقابلے میں وہم کا اعتبار نہیں ہوتا۔

فتاوی شامی میں ہے۔

 "قال في نور العين: الظاهر أنه لا يصح اليمين؛ لما في البزازية من كتاب ألفاظ الكفر: إنه قد اشتهر في رساتيق شروان: أن من قال: جعلت كلما، أو علي كلما، أنه طلاق ثلاث معلق، وهذا باطل، ومن هذيانات العوام اهـ  فتأمل."

(كتاب الطلاق، باب صريح الطلاق، ج:3، ص:247، ط: سعید)

فقط واللہ اعلم