سوال

ایک بندہ اپنے والد کی طرف سے فدیہ ادا کرتا ہے ، کیا وہ یہ فدیہ اپنی غریب بہن کو دے سکتا ہے ؟ 

جواب

صورت مسؤلہ میں  چوں کہ فدیہ والد کی طرف سے  ادا کیا جارہا ہے،تو والد کے اصول (باپ ،دادا ، پردادا وغیرہ ) اور فروع (بیٹا ، بیٹی ، پوتا وغیرہ )  کو والد کے فدیہ کی رقم نہیں دی جا سکتی ،لہذا سائل کے لیے اپنی غریب بہن کو  اپنے والد  کے فدیہ کی رقم دینے کی شرعا اجازت نہیں ۔ 

فتاویٰ ہندیہ میں ہے:

"ومصرف ھذہ الصدقۃ ما ھو مصرف الزکاۃ."

[کتاب الزكاة ، الباب الثامن فی صدقۃ الفطر، جلد: اول، صفحہ:194، مطبوعہ:مکتبہ رشیدیہ کوئٹہ]

فقط واللہ اعلم