سوال

زید عمرو کو کہتا ہے کہ میں آپ کو فلاں ملک بھیجوں گا، راستے کا جتنا خرچہ آئے گا وہ میں برداشت کروں گا، جب آپ اُس ملک کو پہنچیں گے  تو جو کام آپ کرو گے، اس کی آدھی  کمائی آ پ کی ہوگی اور آدھی کمائی میری ہوگی ۔واضح رہے کہ اس ملک میں عمرو جو کام کرے گا اس میں زید کا کوئی پیسہ داخل نہ ہوگا ،سوال یہ ہے کہ یہ عقد جائز ہے یا نہیں؟ فقہی عبارات کے روشنی میں جواب عنایت فرمائیں۔

جواب

واضح رہے کہ کسی شخص کو بیرون ملک بھیجنے کے اخراجات برداشت کرکے اس کے ساتھ یہ معاملہ کرنا کہ وہ وہاں جاکر  آپ جو کمائی کروگے  اس کا آدھا مجھے ملے گا شرعاً یہ معاملہ جائز نہیں ہے،  مذکورہ شخص  نے  بیرون ملک بھیجنے کے جو  اخراجات  برداشت کیے ہیں اس سے صرف وہی وصول  کرسکتا ہے ،اس کی کمائی میں بھیجنے والے  کا کوئی حق و حصہ نہیں ۔

در مختار میں ہے: 

"من قام عن غيره بواجب بأمره رجع بما دفع وإن لم يشترطه كالأمر بالإنفاق عليه وبقضاء دينه."

( فتاوی شامی،کتاب الکفالۃ،ج:5،ص:333،سعید)

فقط واللہ اعلم