سوال

محترم مفتی صاحب میرا سوال یہ ہے کہ بہت سے لوگ شيخ عبدالقادر جيلانی رحمہ الله کو غوث اعظم کے نام سے پکارتے ہيں جبکے غوث اعظم کے معنی مشکل کشا، حاجت روا اور فرياد رس ہے ان تمام صفات کا تعلق صرف اور صرف الله تعالی کی ذات سے ہے کيا اسطرح کسی الله کے ولی کو الله تعالی کی صفات سے پکارا جاسکتا ہے کيا يے شرک زمرے ميں آتا ہے ۔

جواب

صورت مسئولہ میں اگر کوئی شخص کسی ولی اللہ کو اس عقیدے کے ساتھ پکارتا ہے کہ یہ میری مشکل اور پریشانی حل کر سکتا ہے تواس طرح کا عقیدہ رکھنا شرک کے زمرے میں آتا ہے،اور اگر صرف عام مروج لفظ ہونے کی وجہ سے کسی کو غوث اعظم کہہ دیتاہے اور باطل عقیدہ نہیں رکھتا تو صرف اس لفظ کے کہنے سے شرک لازم نہیں آتا۔