میں نے ایک دکان خریدی ہے،لیکن یہ دکان ابھی تک کرایہ پر نہیں لگی ہے،تو اس دکان کی جو اصل قیمت ہے،کیا اس پر زکات لازم ہے؟
صورتِ مسئولہ میں اگر آپ نے دکان بیچنے کی نیت سے نہیں خریدی ،بلکہ صرف کرایہ کے حصول کے لیے مذکورہ دکان خریدی ہے، تو اس دکان کی مالیت پر زکوة واجب نہیں ہے۔تاہم جب مذکورہ دکان سے کرایہ حاصل ہونے لگے ،اس وقت اس سے حاصل کرایہ کی رقم پر حسب شرائط زکوة واجب ہوگی۔
فتاویٰ ہندیہ میں ہے:
"ولو اشترى قدورا من صفر يمسكها ويؤاجرها لا تجب فيها الزكاة كما لا تجب في بيوت الغلة."
(كتاب الزكاة، مسائل شتي في الزكاة، ج:1، ص:180، ط:دار الفكر۔بيروت)
فقط والله أعلم
فتوی نمبر : 144508102720
دارالافتاء : جامعہ علوم اسلامیہ علامہ محمد یوسف بنوری ٹاؤن