سوال

عورت بلیڈ یا ریزر استعمال کرسکتی ہے؟ راہ نمائی فرمائیں۔

جواب

واضح رہے کہ مردوں کے لیے غیر ضروری  بال استرے وغیرہ سے صاف کرنا اور عورتوں کے لیے اکھاڑنا افضل ہے، لیکن اگر عورت کوغیر ضروری بالوں کے  اکھاڑنے میں تکلیف ہو، تو اس کے لیے بلیڈ یا ریزر استعمال کرنے سے بہتر کریم، پاوٴڈر وغیرہ سے بال صاف کرنا ہے،لیکن بلا عذر  بلیڈ کا استعمال بہتر نہیں ،  البتہ نفسِ سنت مطلقاً بال صاف کرنے سے حاصل ہوجائے گی، چاہے کسی بھی طرح بال صاف کیے جائیں۔

حاشیۃ الطحاوی میں ہے:

"قال الطحطاوي: والسنة في حلق العانة أن یکون بالموسی؛ لأنه یقوي، وأصل السنة یتأدی بکل مزیل؛ لحصول المقصود وهو النظافة، وقال النووي: الأولی في حقه الحلق، وفي حقها: النتف، والإبط أولی فیه النتف؛ لورود الخبر."

(کتاب الصلاة، باب الجمعة، ص: 527، ط: دار الكتب العلمية)

فتاویٰ شامی میں ہے:

"والسنة في عانة المرأة النتف، وقال قبیله عن الهندیة: ولو عالج بالنورة، یجوز."

(کتاب الحظر والإباحة، ج: 6، ص: 406، ط: سعید)

فقط واللہ اعلم