سوال

اونٹ  کی   ہڈی  کے متعلق کیا حکم ہے؟ مطلب  اونٹ  کی  ہڈی  اگر  گھر میں رکھی جاۓ یا اس کی تسبیح بنائی  جاۓ تو زیادہ ثواب ملتا ہے یا گھر میں برکت  ہوتی ہے؟

جواب

 بعض لوگوں کا عقیدہ  ہے کہ اونٹ  کی ہڈی گھر  میں رکھنا جادو  سے   حفاظت کا ذریعہ  ہے  یا  برکت کا باعث ہے، اسی طرح اونٹ کی ہڈی کی تسبیح بنانے میں زیادہ  ثواب ہے،   یہ  بے بنیاد بات ہے،  رسولِ  اکرم  صلی اللہ علیہ وسلم نے صبح  و  شام  کے  جو  اذکار سکھلائے ہیں، ان کا اہتمام کرنا چاہیے، ان میں برکات بھی ہیں اور شرور و بلیات سے حفاظت بھی۔ فقط واللہ اعلم