سوال

عورت اپنے مخصوص ایام میں سورت فاتحہ آیت کریمہ اور دوسری آیات جو صبح شام کی دعائیں ان کو دعا کی نیت سے پڑھ سکتی ہے اور اگر سورت فاتحہ کو41 مرتبہ وظیفہ کی صورت میں اور ایسےہی آیت کریمہ سوا لاکھ ایام مخصوصہ میں پڑھ سکتے ہیں؟

جواب

واضح رہے کہ عورتوں کے لیے  ایام مخصوص میں قران مجید  کی آیات کو بطور دعا  یا وظیفہ پڑھنا اس وقت درست ہے جب کہ آیت کے اندر دعا کا معنی بھی ہو  ،مطلقاً اجازت نہیں لہذا صورتِ مسئولہ میں سائلہ کے لیے سورہ  فاتحہ اور آیت کریمہ کو بطور وظیفہ پڑھنے کی گنجائش ہے ۔

حاشیہ ابن عابدین میں ہے :

"(وقراءة قرآن) بقصده........(قوله بقصده) فلو قرأت الفاتحة على وجه الدعاء أو شيئا من الآيات التي فيها معنى الدعاء ولم ترد القراءة لا بأس به كما قدمناه عن العيون لأبي الليث وأن مفهومه أن ما ليس فيه معنى الدعاء كسورة أبي لهب لا يؤثر فيه قصد غير القرآنية."

(‌‌كتاب الطهارة،‌‌باب الحيض،ج1،ص293،ط:سعید)

فقط واللہ اعلم