سوال

خواجه معين الدين چشتی اجمیری رحمہ اللہ  کی حیات  و  خدمات  پر کوئی مواد ہو تو برائے کرم ارسال کریں۔

جواب

خواجہ معین الدین اجمیری قدّس سرّہ کی  سنِ پیدائش باتفاقِ اہلِ تواریخ 537ہجری ہے، آپ کے والد کا نام غیاث الدین سنجری تھا، آپ کی ولادت ایران کے علاقہ سیتان سنجر میں ہوئی، آپ ہندوستان کے امام الطریق تھے، آپ ہی  سے  ہندوستان میں علومِ معرفت کا افتتاح ہوا، اور سلسلہ چشتیہ ہندوستان میں آپ ہی سے پھیلا،ہندوستان کے نوّے لاکھ افراد آپ کے ہاتھ پر اسلام لائے، آپ کا نسب گیارہ پشت پر حضرت امام حسین رضی اللہ عنہ سے ملتا ہے، آپ کے کمالات بحر لامتناہی ہیں، حتّی  کہ  کہاجاتا ہے کہ جس پر نظر ڈالتے تھے  وہ صاحبِ معرفت ہوجاتا تھا، آپ کی وفات سلطان التمش کے دور  میں بقول جمہور اہلِ تاریخ چھ  رجب بروز پیر، چھیانوے  سال کی عمر میں 633 ہجری میں ہوا، آپ کا مزار اجمیر شریف  میں  ہے۔

حضرت کی مزید حیات ،خدمات اور کرامات "تاریخ مشائخ چشت" تالیف:شیخ الحدیث مولانا محمدزکریاکاندھلویؒ (المتوفی:1982ء) ط:مکتبۃ الشیخ، بہادر آباد کراچی، صفحہ:65، میں دیکھی جاسکتی ہے۔ فقط واللہ اعلم