سوال

میں نے گھر والوں سے چھپ کر نکاح کیا تھا، اب میرے گھر والے اس ہی لڑکے سے میری شادی کر رہے ہیں، اب مجھے کیا کرنا چاہیے، آیا دوبارہ نکاح کر لوں پہلے نکاح کو چھپا لوں?

جواب

والدین کی رضامندی کے بغیر یوں چھپ کر نکاح کرنا شرعاً، عرفاً اور اخلاقاً پسندیدہ عمل نہیں ہے، ایسا کرنے کی بجائے والدین کو اعتماد میں لے کر شرعی احکام کے مطابق اعلانیہ نکاح کرنا چاہیے تھا،  تاہم اگر مجلسِ نکاح میں لڑکا لڑکی اور شرعی گواہ موجود تھے تو چھپ کر کیا گیا نکاح شرعاً منعقد ہو چکا ہے، لہذا دوبارہ نکاح کرنے کی ضرورت نہیں۔ البتہ اگر آپ والدین کو خفیہ نکاح سے آگاہ نہ کریں اور والدین اسی لڑکے سے اعلانیہ نکاح کردیں تو اس سے نکاح پر کوئی اثر نہیں پڑے گا۔ فقط واللہ اعلم