سوال

اگر کسی نے خود کشی کی تو اس کے لیے قرآن یا کچھ اور عبادت کرکے ایصالِ ثواب کر سکتے  ہیں یا نہیں؟ اور  اگر کیا تو اس کا ثواب اس خود کشی کرنے والے کو پہنچے گا یا نہیں؟

جواب

خود کشی کرنا بہت بڑا کبیرہ گناہ ہے، لیکن خودکشی کرنے والا دائرہ اسلام سے خارج نہیں ہوتا، اس لیے اس کے لیے  دعاءِ  مغفرت  یا ایصال ثواب کرنا جائز ہے۔  (امداد الفتاوی 4/ 607۔ احسن الفتاوی 4/206)

الدر المختار وحاشية ابن عابدين (2 / 211):

"(من قتل نفسه) ولو (عمداً يغسل ويصلى عليه)، به يفتى وإن كان أعظم وزراً من قاتل غيره. ورجح الكمال قول الثاني بما في مسلم «أنه عليه الصلاة والسلام أتي برجل قتل نفسه فلم يصل عليه»".

فقط واللہ اعلم