سوال

میں خریدے ہوئے مال کو واپس یاتبدیل کرنے کے حوالے سے صحیح حدیث اور اس کا ریفرنس چاہتا ہوں۔برائے مہربانی راہ نمائی فرمائیں

جواب

حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا:’’جو شخص (فروخت کرنےوالا) کسی مسلمان(خریدار) کا اقالہ قبول کرے(یعنی اگر وہ خریدی ہوئی چیز واپس کرناچاہے تواس سے واپس  لے لے)تو اللہ تعالی قیامت کے دن اس کی لغزش  معاف فرمائیں گے‘‘۔

"سنن ابو داود " اور" سنن ابن ماجة" میں ہے:

"عن أبي هريرة-رضي الله عنه- قال: قال رسولُ الله -صلّى الله عليه وسلّم-: «من أقال مسلماً  أقالَه  اللهُ عثْرتَه يومَ القيامة»".

(سنن أبي داود، باب في فضل الإقالة (5/ 328) برقم (3460)، ط/دار الرسالة العالمية 1430ه)

(سنن ابن ماجه، باب الإقالة، (3/ 318، برقم (2199)، ط/دار الرسالة العالمية 1430ه)

فقط والله أعلم