حضور ﷺ کھانا کھانے کے بعد کتنی مرتبہ انگلیاں چاٹتے تھے؟
واضح رہے کہ کھانا کھانے کے بعد اپنی انگلیاں چاٹنا مسنون ہے،حدیث شریف میں اس کی ترغیب واردہوئی ہے،
چنانچہ بخاری شریف میں ہے:
عن ابن عباس عن النبی ﷺ قال:اذا اکل احدکم فلایمسح یدہ حتی یلعقھا،
یعنی جب تم میں سے کوئی کھانا کھالے تو اپنا ہاتھ (کسی کپڑے سے صاف کرنے کے بجائے)چاٹ لے.
باقی حدیث میں چاٹنے کا ذکر ہے،تعداد کاذکرنہیں ہے اور نہ ہی اس کی ضرورت ہے، بلکہ ظاہر ہے کہ انگلیاں اس قدر چاٹ لے کہ صاف ہوجائےاور اس پر کھانے کا کوئی اثر باقی نہ رہ جائے۔
فقط واللہ اعلم
فتوی نمبر : 144307200061
دارالافتاء : جامعہ علوم اسلامیہ علامہ محمد یوسف بنوری ٹاؤن