سوال

میں اپنی بیٹی کا نام خدیجہ رکھوں یا حنہ ؟

میں نے اپنی بڑی بیٹی کا نام "میرہا" سے بدل کر "حفصہ" رکھ لیا ہے، کیا میرہا نام بھی درست ہے ؟

جواب

خدیجہ اور حنہ، دونوں نام رکھنا درست ہے، البتہ  خدیجہ  نام رکھنا زیادہ بہتر اور بابرکت ہے؛ اس لیے کہ یہ رسول اللہ ﷺ کی پہلی زوجہ مطہرہ کا نام نامی ہے، آپ ﷺ کی تمام اولاد سوائے حضرت ابراہیم رضی اللہ عنہ کے انہی ام المؤمنین رضی اللہ عنہا سے تھی، آپ ﷺ کو ان سے بہت محبت تھی، ہر مشکل گھڑی میں انہوں نے آپ ﷺ کا ساتھ دیا، آپ ﷺ ان کی وفات پر بہت غمگین ہوئے، اور ان کی وفات کے بعد بھی ان کے تعلقات کا خیال رکھا، ان کا تذکرہ فرماتے تھے، انہیں یاد کرتے تھے، اور جنت کی عورتوں میں سے جن چارخواتین کے بہت زیادہ فضائل آپ ﷺ نے بیان فرمائے ہیں ان میں سے ایک حضرت خدیجہ رضی اللہ عنہا بھی ہیں۔

میرہا کوئی لفظ نہیں؛  لہذا آپ نے نام بدل کر حفصہ نام رکھ کر صحیح کیا۔ فقط واللہ اعلم