سوال

میں نے مرغی ذبح کی اور کھال اتارتے وقت اس کی گردن اتر گئی ، اس وقت تک میں نے پیٹ چاک نہیں کیا تھا تو اس صورت میں اس کا گوشت مکروہ ہوا  یا نہیں؟

جواب

جانور  ذبح کرکے اس کے  ٹھنڈا ہو جانے کے بعد اس کی گردن الگ کردینا جائز ہے، خواہ پیٹ چاک  کیا ہو یا نہ کیا ہو، ہاں ! جانور کے ٹھنڈا ہونے سے پہلے ہی اُس کی گردن کو تَن سے  جدا کر دینا مکروہ ہے ؛ لہذا صورتِ  مسئولہ میں اگر     آپ نے  مرغی کی کھال اتارتے وقت ، اس کا پیٹ چاک کرنے سے پہلے  اس  کی گردن  الگ کردی  تو اس سے کوئی کراہت نہیں آئے گی۔

الفتاوى الهندية (5/ 287):

"ويستحب الاكتفاء بقطع الأوداج و لايباين الرأس و لو فعل يكره."

فقط واللہ اعلم