سوال

کسی مسلمان کے بارے میں بالتعیین جنتی یا جہنمی کہنا کیسا ہے؟ اور اس بارے میں اہل سنت کا کیا عقیدہ ہے؟ حوالوں کے ساتھ جواب مطلوب ہے ۔

جواب

 اہل سنت والجماعت کے نزدیک کسی  مسلمان کوبالتعیین  "جنتی" یا جہنمی " کہنا شرعاً درست نہیں ، کیوں کہ یہ اللہ کے علم میں ہے بندہ کے علم میں نہیں ہے اس لیے اس قسم کے الفاظ استعمال کرنے سے اجتناب کرنا چاہیے ۔

الکاشف عن حقائق السنن میں ہے :

"وفيه أنه لا يجوز لأحد أن يشهد لأحد بالجنة أو النار، فإن أمور العبد بمشيئة الله وقدره السابق؛ ولهذا قال عليه الصلاة والسلام لعائشة رضي الله عنها: (أو غير ذلك؟) لما قالت على سبيل القطع: (طوبى لهذا، عصفور من عصافير الجنة) تم كلامه."

(کتاب الایمان ،باب الوسوسۃ،ج:2،ص:535،مکتبۃ نزار)

فقط واللہ اعلم