سوال

کاروبار کی جگہ پر ناخن کاٹنا کيسا ہے؟

جواب

كاروبار کی جگہ میں ناخن کاٹنے میں شرعاً کوئی ممانعت نہیں ،کاروبار کی جگہ  میں ناخن کاٹنے کے متعلق  لوگوں میں جویہ مشہورہے کہ یہ منحوس ہے،اس بات کی شریعت میں کوئی اصل نہیں،نیز اسلام میں نیک فالی لینے کی تعلیم ہے اور کسی چیز کو بذاتِ خود منحوس سمجھنا یا اس سے بدفالی لینا، توشرعاً اس کی ممانعت ہے۔

في مرقاة المفاتيح لملاعلي قاري رح:

"أن الحكيم الترمذي، والبغوي، رويا عن بريدة: «أنه صلى الله عليه وسلم كان لايتطير، ولكن يتفاءل» . وتقدم أنه كان «يتفاءل ولا يتطير، وكان يحب الاسم الحسن»."

(كتاب الطب والرقى،باب الفأل والطيرة،ج:7،ص:2901،ط:دار الفكر،بيروت،لبنان)

فقط والله أعلم