سوال

کاروبار کے لیے اسلامی نام بتا دیں جن کی حضور صلی اللہ علیہ وسلم یا صحابہ کرام رضوان اللہ علیہم اجمعین سے نسبت ہو؟

جواب

شریعتِ مطہرہ نے کاروبار کے سلسلہ میں اصل حکم جو دیا ہے وہ یہ ہے کہ کاروبار اسلا می اصولوں کے مطابق ہو، آپ ﷺ کی تعلیمات اور صحابہ کرام رضوان اللہ علیہم اجمعین کے طریقہ پر ہو، باقی اس کاروبار کا نام کیا ہو، یہ  ہر انسان اپنے کاروبار کی نوعیت کے اعتبار سے خود تجویز کرسکتا ہے،اور ہر وہ نام جس میں کسی قسم کا کفریہ یا شرکیہ  لفظ نہ ہو،  وہ اسلامی نام  ہی ہوگا۔ یہ بھی ملحوظ رہے کہ رسول اللہ ﷺ یا صحابہ کرام رضی اللہ عنہم اجمعین کی نسبت سے اگر نام رکھا گیا تو مصنوعات، شاپنگ بیگ وغیرہ پر یہ نام چھپوایا جائے گا، اور اس کے زمین پر یا گندی جگہ پر پھینکنے کی صورت میں مقدس ناموں کی بے احترامی لازم آئے گی، اس لیے بہتر ہے کہ کوئی سادہ بامعنٰی نام رکھ لیجیے، یا مخفف کرکے نام رکھ لیجیے۔ فقط واللہ اعلم