سوال

وضو کی جگہ میں چوہے کی بیٹ خشک ہوکر بکھری تھی۔ میں نے نا خبری میں ادھر کپڑے دھوئے۔ تین دفعہ پانی نکالا، لیکن جب سکھانے کے لیے ڈالا تو بیٹ کے ذرات کپڑوں پر محسوس کیے۔ کیا کپڑے ناپاک رہیں گے؟ اور جس رسی پر ڈالا تھا کیا وہ بھی ناپاک رہے گی؟

جواب

صورتِ مسئولہ میں کپڑے کو دھونے کے بعد اگر اس پر چوہے کی بیٹ کے کچھ ذرات محسوس ہوں جو کپڑا دھونے کی جگہ سے کپڑے پر لگے ہوں  تو ان ذرات کو ایک مرتبہ پانی سے اچھی طرح دھوکر  ہٹادیں، اور رسی پر اگر  بیٹ کے ذرات نہ ہوں تو وہ ناپاک نہیں ہوگی، اس سلسلے میں بہت زیادہ وسوسوں کا شکار نہیں ہونا چاہیے۔

فتاوی عالمگیری  میں ہے:

وَإِزَالَتُهَا إنْ كَانَتْ مَرْئِيَّةً بِإِزَالَةِ عَيْنِهَا وَأَثَرِهَا إنْ كَانَتْ شَيْئًا يَزُولُ أَثَرُهُ وَلَا يُعْتَبَرُ فِيهِ الْعَدَدُ. كَذَا فِي الْمُحِیط.

(1/41، 42، الفصل الاول فی تطہیر الانجاس، ط؛رشیدیہ)

فقط واللہ اعلم