میرے کان میں پانی کے وجہ سے بار بار انفیکشن ہوتا ہے، جس سے بیماری بڑھنے کا خطرہ ہے تو میرا سوال یہ ہے کہ حالتِ حیض اور جنابت میں وضو اور غسل کیسے کروں؟ کیوں کہ کان کے اندرونی حصہ میں ذرا سا بھی پانی جانے سے پھر سے انفیکشن ہو جاتا ہے ۔
صورتِ مسئولہ اگر کان کے اندرونی حصہ میں پانی پہنچنے سے مرض بڑھنے کا اندیشہ ہو تو غسل کرتے وقت کان میں کوئی روئی وغیرہ رکھ کرغسل کیا جائے، پھر تر روئی سے اندرونی حصہ کو گیلا کردیا جائے۔
فتاوٰی ہندیہ میں ہے:
"فإن كان الأكثر صحيحا والأقل جريحا يغسل الصحيح ويمسح على الجريح إن أمكنه وإن لم يمكنه المسح يمسح على الجبائر أو فوق الخرقة ولا يجمع بين الغسل والتيمم."
(كتاب الطهارة، الباب الرابع في التیمم، الفصل الأول في أمور لابد منها في التيمم، 260/1، ط: رشيدية)
فقط واللہ اعلم
فتوی نمبر : 144404101241
دارالافتاء : جامعہ علوم اسلامیہ علامہ محمد یوسف بنوری ٹاؤن