سوال

 مرض کی وجہ سے ہر دس منٹ میں کان میں دوا لگانی پڑتی ہے،  ایسی صورت میں روزے کا کیا حکم ہے?

جواب

روزے کی حالت میں کان میں دوا ڈالی اور وہ پردے کے اندر چلی گئی تو روزہ فاسد ہوجاتا ہے، لہذا اگر کان میں شدید  تکلیف ہو  یا مرض کے بڑھنے کا خطرہ ہو یا اور  اس  مرض کی وجہ سے کوئی ماہر مسلمان طبیب  ہر دس منٹ میں کان کے اندرونی حصے میں  دوا لگانے کا مشورہ دے  تو  ایسی مجبوری میں روزہ چھوڑدینے کی گنجائش ہوگی، بعد میں اس روزے کی قضا لازم ہوگی۔ فقط واللہ اعلم