سوال

بکرے کا کان طول میں کٹا ہوا ہے، اب ڈاکٹر کے پاس ٹانکے لے کر بند کرا دیا ہے ، لیکن نشان باقی رہتا ہے تو کیا ایسے بکرے کی قربانی درست ہے؟

جواب

قربانی کے جانور کا کان اگر ایک تہائی ( 1/3 ) سے کم کٹا ہوا ہو تو اس کی قربانی جائز ہے، اگر اس سے زیادہ ہو تو قربانی درست نہیں۔

لہذا صورتِ مسئولہ میں اگر بکرے  کا  ایک تہائی کان کٹا ہوا نہیں، بلکہ لمبائی میں چیرا لگ گیا اور اس  میں ٹانگے لگوالیے اور اب صرف زخم کا نشان ہے تو ایسے بکرے کی قربانی جائز ہے۔

فتاوی ہندیہ میں ہے:

" وفی الجامع انه اذا کان ذهب الثلث او اقل جاز وان کان اکثر لا یجوز،والصحیح ان الثلث وما دونه قلیل وما زاد علیه کثیر وعلیه الفتوی."

(ج:5، ص:298۔ط:رشیدیه)  

فقط والله اعلم