سوال

کیا عمرہ پر کمیٹی کے پیسوں سے جاسکتے ہیں یعنی ابھی ہمیں ابھی مزید پیسے دینے ہوں؟

جواب

 صورتِ مسئولہ میں  کمیٹی کے متعلق  اگر  یہ طے ہو کہ  سب نے برابر سرابر پیسے اداکرنے  ہیں اور آخر تک سب کمیٹی کی ادائیگی میں شریک رہیں گے تو جس جس کی کمیٹی نکلے گی  وہ   شرعاً  اس کا مالک ہوجاتاہے ،لہٰذا گر وہ  اس رقم سے عمرہ یاکوئی بھی تصرف کرناچاہے تو اس کے لئے یہ جائز ہوگا۔

شرح المجلۃ میں ہے:

"كل يتصرف في ملكه كيف شاء".

(الکتاب العاشر، باب ثالث، فصل اول، رقم المادة: ١١٩٢، ج نمبر:۱ ص نمبر:۵۱۷، مکتبہ رشیدیہ)

 فقط والله أعلم