سوال

بعض لوگ یہاں انڈیا میں قربانی کا نظم کرتے ہیں اور وہ جانور کے ڈیلروں سے خود یہ کہتے ہیں ہمیں بچہ چاہیے کم قیمت میں دو سال کا نہیں چاہیے دس بارہ ہزار کا ہو،  بیچنے والے ان کو عمر بھی بتلاتے ہیں اور یہ بھی کہتے ہیں کہ ان کی قربانی نہیں ہوسکتی، لیکن پھر بھی وہ راضی ہوکر وہی چھوٹے کالے جانور مانگتے ہیں  تو کیا جو لوگ ان کو اس طرح کے جانور بیچتے ہیں سب کچھ بتاکر تو کیا ان کی کمائی حرام کی مانی جائے گی؟ حال آں کہ اگر ایک منع کرے تو دوسرے سے رابطہ کرتے ہیں،  کوئی نہ کوئی ان کا مطلوبہ لاکر ضرور دیتا ہے،  اس کا حکم  بتلادیجیے!

جواب

جانور بیچنے والا اگر اپنی طرف سے کسی قسم کا کوئی دھوکا نہ دے، نہ ہی جھوٹ بولے اور نہ  ہی خیانت  کرے، سچ بول کر اپنا جانور بیچے  تو اس کی کمائی حلال ہو گی، حرام نہیں ہو گی۔  فقط واللہ اعلم