محمد کبیرا ظہر کی طرح دیگر اسماء بھیج کر مشکور فرمائیں؟
ناموں کے سلسلے میں ہم وزن حروف کی رعایت رکھنا شرعاً کوئی ضروری نہیں ہے، شریعتِ مطہرہ نے بچے / بچی کا نام رکھنے کے حوالہ سے والدین کو اچھے اور عمدہ معنی کے نام رکھنے کا پابند کیا ہے، اسی کی حدیث شریف میں ترغیب آئی ہے اور یہی بات پیشِ نظر رکھنی چاہیے۔ عمدہ نام انبیاء علیہم السلام کے ہیں ، انبیاء کرام کے بعد صحابہ کرام و بزگان دین کے ناموں میں سے کوئی نام رکھنا بھی بہتر ہے۔
سنن ابو داؤد میں ہے:
"عن أبي الدرداء، قال: قال رسول الله -صلى الله عليه وسلم-: "إنكم تدعون يوم القيامة باسمائكم وأسماء آبائكم، فاحسنوا أسماءكم".
(أول كتاب الأدب، باب في تغيير الأسماء، ج:7، ص:303، رقم:4947، ط:دار الرسالة العالمية)
"کبیر "کے وزن پر دیگر اسماء یہ ہیں:
| 1۔صغیر | 2۔کلیم | 3۔جمیل | 4۔شفیق |
| 5۔بشیر | 6۔نذیر | 7۔سلیم | 8۔رشید |
| 9۔عزیز | 10۔شریف | 11۔نعیم | 12۔ادیب |
"اظہر" کے وزن پر دیگر اسماء یہ ہیں:
| 1۔اکبر | 2۔انور | 3۔اکرم | 4۔اجمل |
| 5۔اشرف | 6۔افضل | 7۔اختر | 8۔اعظم |
| 9۔اکمل | 10۔ارقم | 11۔اسعد | 12۔ارشد |
ناموں کے سلسلے میں مزید راہ نمائی کے لیے نیچے دیا ہوا لنک ملاحظہ فرمائیں:
فتوی نمبر : 144412100462
دارالافتاء : جامعہ علوم اسلامیہ علامہ محمد یوسف بنوری ٹاؤن
