جمعه کے خطبہ میں اردو بیان بھی شامل ہے جو امام عربی خطبہ سے قبل دیتا ہے؟
واضح رہے کہ جمعہ کے خطبہ سے قبل اردو بیان کی حیثیت جمعہ کے مسنون خطبے کی نہیں ہے، بلکہ اس اردو بیان کا مقصد حاضرینِ اجتماعِ جمعہ کے لیے ان ہی کی زبان میں کچھ وعظ و نصیحت ہوتاہے، جب کہ جمعہ کا خطبہ تو قرنِ اول سے امت کے مسلسل تعامل کی بنا پر عربی میں ہونا ضروری ہے ۔
فتاویٰ شامی میں ہے:
"(و) الرابع : ( الخطبة فيه) ... تتمة: لم يقيد الخطبة بكونها بالعربية اكتفاءً بما قدمه في باب صفة الصلاة من أنها غير شرط مع القدرة على العربية عنده، خلافّا لهما حيث شرطاها ... الخ"
( رد المحتار علي الدر المختار : كتاب الصلاة ، باب صلاة الجمعة ، (3/ 19)، ط: دار عالم الكتب، ریاض )
فقط واللہ اعلم
فتوی نمبر : 144207200052
دارالافتاء : جامعہ علوم اسلامیہ علامہ محمد یوسف بنوری ٹاؤن