سوال

 جمعہ کا خطبہ دیکھ کے پڑھنا سنت ہے یا بغیر دیکھے پڑھنا سنت ہے ؟ دلیل کے ساتھ واضح فرما دیں۔

جواب

  واضح  رہےکہ خطبہ در حقیقت حمد و صلاۃ، وعظ و نصیحت اور ترغیب و  ترہیب پر مشتمل کلام کا نام ہے،  اول کوشش یہ ہونی چاہیے  کہ خطبہ دینے والا زبانی خطبہ دے  ،  لیکن اگر زبانی خطبہ یاد نہ ہو تو  دیکھ کر خطبہ پڑھنا بھی جائزہے، اس میں شرعاً مضائقہ نہیں ۔

بہشتی گوہر میں خطبے کے مسائل میں ہے:

"مسئلہ :7، خطبہ کا کسی کتاب وغیرہ سے دیکھ کر پڑھنا جائز ہے۔"

(جمعے کے خطبے کے مسائل، ص:127، ط:مکتبۃ البشریٰ)

الموسوعۃ الفقھیۃ  میں ہے: 

"الخطبة - بضم الخاء لغة الكلام المنثور يخاطب به متكلم فصيح جمعا من الناس لإقناعهم.

والخطيب: المتحدث عن القوم، ومن يقوم بالخطابة في المسجد وغيره.

والخطبة في الاصطلاح هي ‌الكلام ‌المؤلف الذي يتضمن وعظا وإبلاغا على صفة مخصوصة".

(الموسوعة الفقهية، ج: 19 ص:176 ط: دارالسلاسل)

فقط واللہ اعلم