حالت جنابت میں غیرضروری بال کاٹنامکروہ ہے،کیاہاتھ وغیرہ دھوکرکاٹےتوکراہت ختم ہوگی یانہیں؟
واضح رہے کہ جنابت کی حالت میں بال اور ناخن کاٹنا،اوراسی طرح زائد بالوں کی صفائی کرنامکروہِ تنزیہی ہے،لہذا صورتِ مسئولہ میں بحالتِ جنابت بال نہ کاٹے جائیں،بلکہ پاکی کی حالت میں کاٹے جائیں،غسل کیے بغیر ہاتھ وغیرہ دھو کر کاٹنے سے یہ کراہت ختم نہیں ہوگی۔
فتاوی ہندیہ میں ہے:
"حلق الشعر حالة الجنابة مكروه وكذا قص الأظافير كذا في الغرائب."
(كتاب الكراهية، الباب التاسع عشر، ج:5، ص:358، ط:رشيديه)
فقط واللہ أعلم
فتوی نمبر : 144308102103
دارالافتاء : جامعہ علوم اسلامیہ علامہ محمد یوسف بنوری ٹاؤن