سوال

ایک شخص ہے جس کے مالی حالات ٹھیک ہیں یعنی اس کا کھانے پینے اور رہائش کا خرچہ پورا ہو جاتا ہے، لیکن کوئی سیونگ نہیں ہے اور نہ ہی وہ نصاب کا مالک ہے تو  کیا ایسا شخص زکات لے سکتا ہے؟

جواب

جو شخص نصاب کا مالک نہ ہو اسے زکات دینا جائز ہے اور اس شخص کے لیے زکات لینا جائز ہے۔ البتہ اگر اس کے مالی حالات ٹھیک ہوں اور کھانے پینے اور رہائش و علاج وغیرہ کے خرچے پورے ہوجاتے ہوں اور کوئی اچانک ضرورت اسے درپیش نہ ہو تو  ایسے شخص کے لیے زکاۃ لینا پسندیدہ نہیں ہے؛ زکاۃ لوگوں کے اموال کا میل کچیل ہے، بلاضرورت اسے لینا پسند نہیں کیا گیا۔ فقط واللہ اعلم