سوال

میری بائک سپیر پارٹس کی دکان تھی جوکہ کرایہ زیادہ ہونے اور اخراجات کی وجہ سے ختم کردی۔ اب جو اس دکان کا مالک ہے، وہ  مجھے آفر کررہا ہے پارٹنر شپ کی۔ انویسٹمنٹ ساری وہ کررہا ہے، تقریباً 20 لاکھ تک اور دکان کا کرایہ بھی وہ ادا کرے گا، اور میں دکان چلاؤں گا۔ وہ صرف دو سے تین گھنٹے ڈیوٹی دے گا۔ اب مسئلہ یہ ہے کہ ان کی یہ جائیداد، گھر، دکانیں، کاروبار، سب کچھ ان کے بڑے بھائي نے بنایا ہے سود کے ذریعے، جو کہ اب ان سے علیحدہ رہتا ہے، مگر سودی معاملات اب بھی کرتا ہے اور جو  مجھے پارٹنر شپ کا کہہ رہا ہے، وہ سودی معاملات نہیں کرتا۔ تو اب آپ بتایئے کہ کیا میں اس کے ساتھ پارٹنر شپ کرسکتا ہوں یا نہیں؟

جواب

صورتِ مسئولہ میں آپ کا مذکورہ شخص کے  ساتھ شراکت (پارٹنرشپ)  کرنا درست ہے۔ البتہ جب وہ شخص دکان کا مالک ہے، اور رقم اور عمل دونوں چیزوں میں پارٹنر بھی ہوگا تو دکان کا کرایہ کس کو دے گا؟ بہتر ہے کہ  شراکت داری کے معاملے کی تفصیلات (ذمہ داریوں اور نفع و نقصان وغیرہ سے متعلق) کسی مستند مفتی کی مشاورت سے طے کرکے پھر معاملہ کریں۔ فقط واللہ اعلم