سوال

اگر موبائل میں قرآن مجید انسٹال ہو اور موبائل ہاتھ سے پھسل کر گر جائے تو انسان گناہگار ہوگا کہ نہیں؟

جواب

اگرموبائل اسکرین پر قرآن کریم کے الفاظ نظر آرہے ہبں تو اس کا ادب اور احترام کرنا لازم ہے، ایسی حالت میں اگر موبائل بلا اختیار ہاتھ سے پھسل کر نیچے گر جائے تو انسان گناہ گار نہیں ہوگا، البتہ ادب واحترام کا خیال رکھنا ضروری ہوگا، اور اگر موبائل کے اسکرین پر قرآن کریم ظاہر نہیں ہوگا تو اندر انسٹال ہونے کی صورت میں مسئلہ ہلکا ہوگا، باقی پھسل کر گرنے کی صورت میں دونوں حالتوں میں  آدمی گناہ گار نہیں ہوگا۔

کفایت المفتی میں ہے:

"اگر غلطی سے بلاقصد و ارادے کے قرآن پاک ہاتھ سے گرجائے تو اس پر مؤاخذہ نہیں،  تاہم اس بے احتیاطی اور غفلت کی وجہ سے اللہ تعالی کے حضور توبہ و استغفار کرلینا چاہیے"۔

(کفایت المفتی: کتاب العقائد، بلا قصد سپارہ ہاتھ سے گر جانے پر پکڑنہیں (1 / 130)،  ط۔ دار الاشاعت)

فقط والله اعلم