سوال

جس کمرے میں قرآنی آیات،اللہ تعالیٰ کے نام، غلافِ کعبہ، فریم، اور دیگر اسلامی چیزیں دیواروں پے لگی ہوں،اس کمرے میں بیوی سے ہم بستری کر سکتے ہیں یا نہیں ؟

جواب

جس کمرے میں قرآنی آیات، اللہ تعالی کے نام وغیرہ دیواروں پر لگے ہوئے ہوں اس کمرے میں بیوی سے ہم بستری جائز ہے، لیکن ادب کا تقاضا یہ ہے کہ اس وقت ان چیزوں پر پردہ ڈال دیا جائے۔

فتاوی شامی میں ہے:

"(قوله: لا بأس بالجماع في بيت فيه مصحف للبلوى) قيده في القنية بكونه مستورًا، وإن حمل ما فيها على الأولوية زال التنافي ط". (423/6 ط: سعید) فقط و الله أعلم