جانوروں کوحمل کا انجکشن دینےسے کیا ان کاگوشت اوردودھ استعمال کرنا حرام ہوجاتاہے؟
اگر کسی حلال مؤنث جانور کے رحم میں مادہ منویہ بذریعہ انجکشن داخل کیاجائے تو اس سے یہ جانور حرام نہیں ہوتا، ایسے جانور کا دودھ اورذبح کے بعد اس کا گوشت استعمال کرنا جائز ہے۔نیز انجکشن کے ذریعہ حمل کی صورت میں پیدا ہونے والا بچہ اپنی ماں کے تابع ہوگا ، اگر بچے کی ماں حلال جانوروں (مثلاًگائے ، اونٹنی ، بکری وغیرہ )میں سے ہے تو یہ بچہ حلال شمار ہوگا۔
جانور اپنی ماں کے تابع ہوتے ہیں؛ لہذا انجیکشن وغیرہ کے ذریعے مادہ منویہ حلال جانور (مثلاً گائے ، اونٹ، بکرا وغیرہ) کی مادہ میں داخل کیا جائے اور اس سے بچہ پیدا ہوتو ایسے جانور کی قربانی جائز ہے۔
فتاوی ہندیہ میں ہے :
"فإن كان متولداً من الوحشي والإنسي، فالعبرة للأم، فإن كانت أهليةً تجوز وإلا فلا."
(الباب الخامس فی بیان محل اقامۃ الواجب،ج: 5،ص:297،ط:رشیدیہ)
فقط واللہ اعلم
فتوی نمبر : 144308102256
دارالافتاء : جامعہ علوم اسلامیہ علامہ محمد یوسف بنوری ٹاؤن