سوال

امریکہ میں ہم بہت سی جگہوں پر جاتے ہیں جو جزوی طور پر حلال ہوتے ہیں،  کچھ مینو حلال ہوتا ہے یا وہ شراب/سور کا گوشت پیش کر سکتے ہیں،  تو کیا ہم کسی ایسے ریستوران  میں کھا سکتے ہیں جہاں شراب اور سور کا گوشت پیش کیا جاتا ہے؟  اگر دستیاب ہو تو ہم صرف سبزی/حلال گوشت کا آرڈر دیں گے،  اور صرف جائز اشیاء اور ہماری میز پر کوئی بھی شراب یا سور کا گوشت آرڈر نہیں کرے گا۔

جواب

صورتِ مسئولہ میں اگر غالب گمان ہو کہ  مذکورہ ریستوران  میں  سبزی اور حلال گوشت (جس کے مسلمان کا ذبیحہ ہونے کا غالب گمان ہو )  پکانے کے لیےالگ  برتن اور گھی /تیل استعمال ہوتا ہو تو  مذکورہ  ریستوران  میں  سبزی اور حلال گوشت کھانا فی نفسہ جائز ہے، البتہ اگر اس بات کا غالب گمان نہ ہو یا اس بات کا علم ہو کہ حلال و حرام کے لیے الگ  برتن یا گھی/تیل استعمال نہیں کرتے تو مذکورہ  ریستوران  میں    سبزی اور حلال گوشت کھانا  جائز نہیں۔

فتاوی ہندیہ میں ہے:

"قال محمد - رحمه الله تعالى -: و يكره الأكل والشرب في أواني المشركين قبل الغسل ومع هذا لو أكل أو شرب فيها قبل الغسل جاز و لايكون آكلًا و لا شاربًا حرامًا و هذا إذا لم يعلم بنجاسة الأواني فأما إذا علم فإنه لا يجوز أن يشرب ويأكل منها قبل الغسل ولو شرب أو أكل كان شاربًا و آكلا حرامًا."

(کتاب الکراهية،ج:5،ص:347، ط: دار الفکر)

فقط واللہ اعلم