جن چیزوں سے روزہ ٹوٹ جاتا ہے اس سے افطاری

افطاری کھجور سے کرنا سنت ہے، اگر تر کھجور ہو تو وہ مستحب ہے، وہ میسر نہ ہو تو خشک کھجور اور اگر وہ بھی نہ ہو تو پانی سے کرنا بہتر ہے،البتہ افطاری کے وقت کوئی بھی ایسا کام کرلیا جس سے روزہ مکمل یا ختم ہوگیا یا پورا ہوچکا تو     اس سے روزہ افطار ہوجائے گا۔

حدیث شریف میں ہے:

عن سلمان بن عامر قال: قال رسول الله -صلى الله عليه وسلم-: "إذا أفطر أحدكم فليفطر على تمر فإن لم يجد فليفطر على ماء فإنه طهور"

سلمان بن عامر رضی اللہ عنہ کہتے ہیں کہ رسول صلی اللہ علیہ وسلم نے فرمایا: ”جب تم میں سے کوئی افطار کرے تو کھجور سے افطار کرے، اور اگر اسے کھجور نہ ملے تو پانی سے افطار کرے، اس لیے کہ وہ پاکیزہ چیز ہے۔

(مصنف ابن أبي شيبة،كتاب الصيام، (6/ 135)،ط:دار کنوز ریاض )

فقط واللہ اعلم