سوال

اسکول میں بچوں کو داخل کرتے وقت بچوں کی اصل تاریخ پیدائش نہیں لکھی جاتی بلکہ اساتذہ حساب لگا کر یا سرپرست کے کہنے پر کم لکھتے ہیں،  کیا ساری عمر یہ جھوٹ کے زمرے میں آتا ہے؟

جواب

صورت مسئولہ میں جان بوجھ کر  کسی بھی شخص کااپنی یا کسی اور کی  اصلی عمرکی بجائے کم یازیادہ عمرلکھنا، جھوٹ میں داخل  ہے جوکہ ناجائز ہے؛ اس لیے جان بوجھ کرتاریخِ پیدائش میں غلط اندراج کروانے سے اجتناب کرنا  ضروری ہے ،وگرنہ کسی بھی موقع پر صحیح تاریخِ پیدائش لکھنے کی نوبت آئے گی تو  جھوٹ لکھنا  لازم آئے گا ،اورحدیث شریف میں جھوٹ  کی سخت ممانعت آئی ہے، لہذا اپنے بچے کی صحیح عمر معلوم ہونے کی صورت میں صحیح عمر  لکھوانا ضروری ہے۔ہاں اگر معلوم نہ ہو تو پھر اندازہ کر کے لکھنے کی اجازت ہوگی۔ 

مرقاة المفاتيح  میں ہے :

"(وإياكم والكذب) بفتح فكسر وفي نسخة بكسر فسكون والأول هو الأفصح ( «فإن الكذب يهدي إلى الفجور» ) : بضم الفاء أي: الميل عن الصدق والحق والانبعاث في المعاصي، وهو أظهر للمقابلة بالبر. وفي القاموس: فجر: فسق، وكذب وكذب وعصى وخالف." 

(كتاب الآداب، باب حفظ اللسان والغيبة والشتم، ج:7، ص:3030، ط:دار الفكر)

فقط واللہ اعلم