سوال

میرے ادارے میں ہمیں گھر کا کرایہ 2250 روپے ہماری تنخواہ میں ملتا ہے، لیکن اگر کوئی اپنے گھر کے یا اگر کرائے پر رہتا ہو تو وہ اُس گھر کے کاغذات جمع کروائے تو اسے  6700 روپے ملےگا، مسئلہ یہ ہے کہ اگر کوئی کرائے پر نہیں رہتا اور کسی اور کے گھر کے کاغذات جمع کروا کر جھوٹ بولے کہ میں کرائے پر رہتا ہوں، کرایہ 10000 روپے دیتا ہوں، جب کہ وہ کرائے کے گھر میں نہیں رہتا ہو۔ زیادہ پیسوں کے لیے جھوٹ بول کر کسی اور کے گھر کے کاغذات جمع کرے، تو کیا یہ جو پیسے زیادہ لے رہا ہے، وہ اُس کے لیے حلال ہے جب کہ وہ جھوٹ بول کر لے رہا ہو؟

جواب

صورتِ مسئولہ میں جھوٹ بول کر کرایہ کی مد میں اضافی رقم وصول کرنا اور اسے استعمال کرنا ناجائز ہے۔ فقط واللہ اعلم