سمندری جانور میں سے بوملا (بملا) اور جھینگا کھانا کیسا ہے؟
جھینگا مچھلی کی قسم ہے اور اس کا کھاناحلال ہے۔
تفصیل کے لیے ’’جواھر الفتاوی‘‘ جلد 3 ،( مولفہ :مفتی عبد السلام چاٹگامی صاحب ) ملاحظہ فرمائیں۔
نیز بُملا (Bombay duck / bumla) جسے مقامی لوگ یہاں ”بُمبل“ بھی کہتے ہیں، یہ مچھلی ہی کی ایک قسم ہے، اس کا کھانا حلال ہے۔
"بدائع الصنائع" میں ہے :
" أما الذي يعيش في البحر فجميع ما في البحر من الحيوان محرم الأكل إلا السمك خاصةً؛ فإنه يحل أكله إلا ما طفا منه، وهذا قول أصحابنا - رضي الله عنهم-".
( 5/35 کتاب الذبائح والصیود ط :سعید)
فقط واللہ اعلم
فتوی نمبر : 144206201156
دارالافتاء : جامعہ علوم اسلامیہ علامہ محمد یوسف بنوری ٹاؤن