سوال

میرے دادا کا انتقال ہو چکا ہے، دادا کے والدین کا ان کی حیات میں انتقا ل ہو گیا تھا، دادا کے کل تین بیٹے اور چار بٹیاں تھیں ، بیٹوں میں سے دو بیٹے (جن میں ہمارے والد بھی شامل تھے) کا انتقال دادا کی حیات میں ہو گیا تھا ، دادی  کاانتقال  دادا کے بعد ہوا۔

سوال یہ ہے کہ دادا کی میراث میں ہمارے والد کا حصہ بنتا ہے یا نہیں ؟ہمارے چچا ہم کو حصہ دینا چاہ رہے ، لیکن پھو پھیاں حصہ نہیں دینا چاہتیں۔کیا چچا کا ہم کو حصہ دینا اور پھو پھیوں کا اس میں رکاوٹ بننا شرعاً درست ہے؟

اگر ہمارے والد کا دادا کی میراث میں کوئی حصہ نہیں بنتا تو ہم روڈ پر آجائیں گے ہمارے پاس کچھ نہیں ۔

جواب

صورت ِ مسئولہ میں سائل کے والد  چونکہ سائل کے دادا کی حیات میں فوت ہوگئے تھے، اس لیے دادا کی میراث میں سائل کے والد کا شرعاً حصہ نہیں بنتا ہے، البتہ سائل کا  چچایا سائل کی پھوپھیاں   میراث کی تقسیم کے بعد اپنے حصے میں  سے سائل لوگوں کو کچھ  دینا چاہیں تو  دے سکتے ہیں اور یہ ان کی طرف سے احسان اور تبرع ہوگا۔

حاشية ابن عابدين  میں ہے  :

"وشروطه: ثلاثة: موت مورث حقيقة، أو حكما كمفقود، أو تقديرا كجنين فيه غرة ووجود وارثه عند موته حيا حقيقة أو تقديرا كالحمل والعلم بجهة إرثه۔"

(کتاب الفرائض: 6 / 758، ط: سعید)

مجلۃ الاحکام العدلیہ میں ہے:

"(المادة 96) : ‌لا ‌يجوز ‌لأحد ‌أن ‌يتصرف ‌في ‌ملك ‌الغير ‌بلا ‌إذنه۔"

(‌‌المقالة الثانية في بيان القواعد الكلية الفقهية: 27، ط: نور محمد)

فقط و اللہ اعلم