سوال

اگر جینز کی پینٹ کو پورا پاک کرنا مطلوب ہو تو مسؑلہ یہ آتا ہے کہ پینٹ گیلی ہوکر بھاری ہوجاتی ہے اور موٹی بھی ہوتی ہے؛ اس لیے مسلسل نل کے نیچے اٹھاۓ رکھنا ممکن نہیں رہتا اور پینٹ زمین پر چھوڑنی پڑتی ہے۔ اس صورت میں پینٹ کیسے پاک کریں؟

جواب

صورتِ مسئولہ میں اگر ہاتھ  میں پکڑ  کر جینز کی پینٹ دھونا اور اسے پاک کرنا مشکل ہو تو زمین پر کسی چیز کو رکھ لے اور اس کے اوپر جینز کی پینٹ رکھ کر اسے اس طرح دھوئے کہ پانی نیچے بہہ جائے، اور نل ایسی جگہ پر ہو کہ نیچے پانی ٹھہرتا نہ ہو تو نل کے نیچے زمین پر رکھ کر بھی اسے دھو سکتے ہیں، اتنی دیر تک بہتے پانی میں دھوئی جائے کہ نجاست زائل ہوجائے تو  پاک ہوجائے گی۔

واضح ہو کہ جینز کی پینٹ صلحاء کا لباس نہیں ہے؛ لہذا اسے پہننے سے اجتناب بہتر ہے۔ فقط واللہ اعلم