زید کو ایک جانور تحفہ میں دیا, اس جانور کی ماں گائے ہے،اور والد جنگلی جانور زو ہے ۔ کیا ایسے جانور کی قربانی جائز ہے؟
صورتِ مسئولہ میں جس جانور کی ماں پالتو گائے ہو ، اور اس کا والد جنگلی جانور ہو تو ایسے جانور کی قربانی جائز ہے، اس لیے کہ جانوروں کی حلت اور حرمت میں ماں کا اعتبار ہے۔
فتاوی ہندیہ میں ہے:
’’فإن كان متولداً من الوحشي والإنسي، فالعبرة للأم، فإن كانت أهليةً تجوز وإلا فلا‘‘(5/ 297، رشیدیة). فقط والله أعلم
فتوی نمبر : 144112200405
دارالافتاء : جامعہ علوم اسلامیہ علامہ محمد یوسف بنوری ٹاؤن
