سوال

قربانی کی گائے میں امیر اور فقیر لوگ شامل ہیں، لیکن گائے گم ہو گئی،  تو امیر لوگوں نے دوسری خریدی اور ا س کے بعد پہلی بھی مل گئی تو اب فقیر لوگ کیا کریں؟

جواب

صورتِ مسئولہ میں  جب پہلا جانور گُم ہو جانے کے بعد  مل گیا   تو  فقراء پر  اُسی پہلے جانور  کی قربانی لازم ہو گی اور مال داروں پر دونوں جانوروں میں سے کسی ایک کی قربانی کر لینا کافی ہو گا، چنانچہ  بہتر صورت یہی ہے کہ پہلا جانور قربان کر لیا جائے، جس میں سب کی قربانی درست ہو جائے گی، پھر مال داروں کو دوسرے جانور سے متعلق اختیار ہو گا،  اگر چاہیں تو قربان کر لیں اور اگر چاہیں تو اگلے سال کے لیے رکھ لیں۔

الدر المختار وحاشية ابن عابدين (رد المحتار) (6/ 326):

"و لو ضلت أو سرقت فشرى أخرى فظهرت فعلى الغني إحداهما وعلى الفقير كلاهما، شمني."

فقط واللہ اعلم